അദ്ദിക്ർ

ഏറ്റവും നല്ല ഗ്രന്ഥമായ അദ്ദിക്റിന്‍റെ വെളിച്ചത്തില്‍ നാഥനെ കണ്ടുകൊണ്ട് ജീവിക്കുന്നവനാണ് വിശ്വാസി. 3: 190-191 ല്‍ പറഞ്ഞ പ്രകാരം പ്രകാരം ബുദ്ധി ഉപയോഗപ്പെടുത്തുന്ന വിശ്വാസി എപ്പോഴും മനുഷ്യരടക്കം 1000 സമുദായങ്ങളില്‍ പെടുന്ന നാഥന്‍റെ സൃഷ്ടികളായ ജീവജാലങ്ങള്‍ക്ക് ഗുണം കിട്ടുന്ന സല്‍പ്രവൃത്തികളില്‍ മുഴുകുന്നതായിരിക്കും. അവന്‍റെ നടത്തങ്ങളിലും ഇരുത്തങ്ങളിലും കിടപ്പുകളിലും എപ്പോഴും ആത്മാവുകൊണ്ട് നാഥനെ സ്മരിച്ചുകൊണ്ട് പരിശുദ്ധപ്പെടുത്തുന്നതുമാണ്. മാത്രമല്ല, ഏതൊരു പ്രവൃത്തി ചെയ്യുമ്പോഴും ത്രികാലജ്ഞാനിയായ നാഥന്‍ ഒരുവന്‍റെ ശരീരത്തിലേക്കോ നിറത്തിലേക്കോ ലിംഗത്തിലേക്കോ അല്ല നോക്കുന്നത്, മറിച്ച് അവന്‍റെ ഹൃദയത്തിന്‍റെ അവസ്ഥയാണ് വീക്ഷിക്കുന്നത് എന്ന ബോധമുള്‍ക്കൊണ്ട് പ്രവര്‍ത്തിക്കുന്നതുമാണ്. നിഷ്പക്ഷവാനായ നാഥന്‍റെ പ്രതിനിധിയായിട്ടാണ് വിശ്വാസി നിലകൊള്ളുക. എന്നാല്‍ എല്ലാവിധ ആപത്തുവിപത്തുകളെത്തൊട്ടും രോഗങ്ങളെത്തൊട്ടും നരകക്കുണ്ഠത്തെത്തൊട്ടും കാത്തുസൂക്ഷിക്കുന്ന മുഹൈമിനായ അദ്ദിക്റിനെ മൂടിവെക്കുകയും തള്ളിപ്പറയുകയും ചെയ്യുന്ന കാഫിറുകള്‍ നാഥനെ നിഷ്പക്ഷവാനായി പരിഗണിക്കാത്തവരും പ്രപഞ്ചം നശിപ്പിച്ചുകൊണ്ടിരിക്കുന്ന പിശാചിനെ സേവിച്ചുകൊണ്ടിരിക്കുന്നവരും പിശാചിന്‍റെ സഹായിക ളുമാണ്. 6: 84 വിശദീകരണം നോക്കുക.